Don X Sushi Generation (已結業)

同朋友仔黎试下呢间零负评嘅餐厅一入内，见到无人仲惊一惊原来别有洞天，楼上雅座餐牌都好多选择我同朋友仔都拣左自选十八切刺身饭！挑战选择困难症！点餐另有一张材料表，除左预定选项，仲有其他时令材料，用日文写左出黎不过就要难为侍应要不断重复俾我听了，真系记唔住呀😛😛拣好左就送上前菜系带子裙边同野菜沙律仲有鱼味噌汤黎到喇！卖相劲靓，超丰富！寿司饭不会酸，连芥末都系鲜磨㗎！刺身相当新鲜，白身鱼鱼味清甜，好味呀！份量好多，每一口都可以同刺身同食，好滋味！食食下留意到隔离枱叫左松叶蟹饭原来系超惊喜㗎！早知我又叫啦不过期间限定，下年先再有了食完仲有甜品小泡芙添！