一粥麵 (TKO Spot)

营业中

休息中

是日午餐今日嚟到一粥面，主要系贪佢有位坐心，见到个餐牌心大心细，既想食煲仔饭，又想食炒公仔面，最后拣咗呢个优惠套餐牛筋牛肉面，配热奶茶，原因系佢够平，$38而且牛筋亦系买飞佛，再今早食完个厚餐肉治，午餐食少啲，平衡下估唔到咁简单嘅餐，居然要等超过10分钟先至有得食，牛筋牛肉都好腍，面够爽，但个汤好咸，饮咗两啖，放弃！如果改为清汤，或者放少啲盐，效果应该好好多，亦可能唔会浪费个汤。热奶茶，始终都系用啡糖好饮啲，亦始终用筷子搅会匀称啲。话时话，呢个屋邨商场似迷宫，尤其是要去屋邨嘅大厦平台时，真系唔知点样揾路入。