咖啡亭 (已結業)

上星期浏览openrice时睇下有咩餐厅有生蚝食，跟住见到呢间酒店晚餐嘅buffet有即开生蚝，仲有7折优惠添，于是就book枱；原本谂住print张coupon当日用，点知去到个侍应话唔需要。去到之后先知到中伏：首先就系间餐厅喺正酒店lobby对面，一眼见晒；之后开始去行buffet枱时，就见到海鲜得即开生蚝、长脚蟹、细虾、螺、青口，跟住先攞生蚝，每人每次只可攞3只，但size劲细，味道一般，唔够鲜味，其余海鲜都系一般，唔够新鲜！仲要枱上冇剪长脚蟹嘅较剪，问侍应攞，只俾一把；跟住去攞汤饮，中式汤系粉葛赤小豆煲唐排，西式就系南瓜忌廉汤，味道OK；刺身冇特别，寿司冇兴趣，热盘少得可怜，甜品就更加少，去过咁多间Buffet餐厅，这间最差极，系超级冇嘢食，价钱唔平噃，点解假期都坐唔满喇，原来极之差！一定冇下次！4旧几水冇嘢好食！