芭堤雅泰國餐館

营业中

休息中

今日咁啱去到元朗，经过见到呢间泰国餐厅劲多人排队，而且佢嘅门面好靓，有两层好似啲隐世Cafe咁，咁就一于去试吓啦。唔知呢度有冇得book位呢，因为我地6:30去到，差唔多等咗一个钟先有得入。之后要一个佢带咗我哋上2楼，环境好靓呀。一坐低已经见到隔篱枱有几串好靓嘅牛肉，原来系牛肉串烧，咁我就一于叫黎试吓啦。估唔到真系好好食，咁嘅价钱都咁高质素嘅牛肉真系好难得。另外我哋仲叫咗青咖喱鸡，一上台就闻到好香，食落个咖喱唔算太辣，小朋友都食得。而且佢嘅鸡好滑，食落又唔算多骨，入面仲有薯仔洋葱等等嘅配料，真系好好食。仲有一样好想赞嘅系就系呢个冬阴功，因为佢嘅辣味够，越饮越开胃。呢间餐厅又靓又好食，唔怪得咁多人等位啦。