洪記潮州滷味 (已結業)

之前仲未有晚市嗰陣，晚餐都要諗下外賣。當日係土瓜灣放工，有d微雨，但見到有間燒味店都仲係零舍多人排隊，好奇心驅使我去望下。原來係專門食鵝嘅，門面幾新淨，好似都衛生，決定試下～職員係門口同街坊有講有笑，睇黎幾有人情味咁，比左張外賣紙我，都熱情地招呼我，我最後想乜都試下，就叫左套餐B然後佢比左個牌我等，估唔到燒味店都運用科技，令成件事秩序井然都要講下食物質素，先講鵝肉吧，唔肥膩之餘仲少骨，份量都多，點佢嘅特制醬好惹味～五花肉就層次分明，肥瘦均勻，咬落非常有口感😋最後鵝腎都好爽口，點酸汁都幾夾，仲有2隻蛋，戈晚嘅加餸家人都好滿意食得好開心