影片
更多
2021-07-13
59 浏览
晚餐时间见到几多人食紧，自己好想食芒果糯米饭就拣左同男朋友食金坊，店员姐姐个个都好有礼貌，一叫就黎反应快服务好，真系食都食到开心啲，先叫左个海南鸡饭同海南鸡汤河填饱肚先，海南鸡份量多，全部都啖啖肉，而且无血，真系鸡肉，唔系啲奇怪部位，佢个酱汁系泰式酸辣汁，系另类既海南鸡风味，黄姜饭好食，佢地既河粉系好宽，似布河粉，自己从未试过但发现都几好食，比普通河粉有咬口，蒜蓉炒通菜大大碟，炒得好香惹味，食唔哂我地仲打包做𩠌添，最后就系我最期待既芒果黑白糯米饭啦，烟烟韧韧好好食，芒果有2大旧切埋粒粒，将椰汁淋上去，3种味道既配合简直完美哈哈，芒果又新鲜又甜，椰汁唔够仲可以无限添，都只系68蚊咋，个人认为真系抵食，而且佢地餐牌选择好多，我相信总有一款啱你地食👍
张贴
