頤庭冰室

营业中

休息中

偶尔经过西环呢间冰室，望到门口个餐牌好似几吸引，就入咗去试下。叫咗是日午餐「芥末三文鱼忌廉焗海鲜饭」，配汪阿姐，送例汤。芥末同三文鱼真系绝配！一啖饭放入口，一股清新而又有少少刺鼻嘅芥末味就涌上嚟，再加上少少忌廉轻轻中和咗，非常醒脑提神又开胃，好啱冇乜胃口嘅夏天食。而配料方面，除咗有好多三文鱼粒外，仲有劲多款海鲜，包括蚬肉、鱿鱼粒、八爪鱼仔、虾仁、蟹柳，同手掌心咁大块嘅鳕鱼柳，真系未试过海鲜饭会有咁多款嘅海鲜！虽然啲海鲜预咗系急冻，但系鲜味嘅鲜味、弹牙嘅弹牙、爽口嘅爽口、软滑嘅软滑，绝对系急冻海鲜中嘅上品。是日例汤系合掌瓜甘笋煲猪骨，啲瓜煲到好腍 ，饮落好浓甜，唔觉有味精或鸡粉，都几好饮。汪阿姐不过不失，不赘。