熊小館

营业中

休息中

行完megabox，就去呢间熊小馆食晚餐。职员比咗张好好嘅台比我地，有只大熊啤啤系隔离，好得意。叫咗个两人套餐，有粟米汤同牛油法包，个包好重蒜香味，隔住个口罩都闻都。然后再叫咗个深海带子拼烧汁牛柳，带子整得啱啱好，咬落去好弹牙。牛柳一啲都唔难咬，好嫩身，最估唔到嘅系佢嘅薯条，系厚切薯条，唔会太咸，放咗半个钟都仲卜卜脆。而啲配菜都有比心机整，唔会系淡茂茂。之后再叫咗个露荀野菌义大利饭，意外地有惊喜，食到好重cream味，饭入面加咗露笋粒同洋葱粒，食起身个饭更加有层次感。甜品就+$18要心太软，呢个超级好食，即叫即焗，外脆内软，唔会太甜，连埋个cream一齐食，超级正。份量唔系太大，所以冇咁肥。好多情侣同一家大细黎食，最值得欣赏嘅系店员将有小朋友嘅客人安排系同一边，情侣，朋友就安排系另外一边，唔会骚扰到其他客人。餐厅仲有一个corner位，有啲熊啤啤，玩具，积木，图书比小朋友玩。难怪有咁多家长带埋小朋友黎呢度食饭。