極尚大喜屋 (鱷魚恤中心)

营业中

休息中

上个星期去咗观塘鳄鱼恤中心嘅极尚大喜屋食日式放题，真系食到好满足呀！自助区有好多冷盘、饮品可以任拎，仲有自家制冷泡茶！出面仲有章鱼小丸子同蒸点心拎，好好味呀！章鱼小丸子外脆内软，蒸点心选择多，有虾饺烧卖小龙包，味道都可以，几唔错😋要介绍一下放题必食系刺身，全部都新鲜鲜甜，各式刺身应有尽有，我最钟意三文鱼刺身、甜虾刺身！唔只各种新鲜刺身，仲有丰富既海鲜，大大只蒸生蚝、醉鲍鱼等等。醉鲍鱼肉质鲜嫩多汁，配上独家醉香酱汁，绝对令味蕾感到无比满足。蒸生蚝份量十足，好香蒜味，几只几只咁order！仲有蟹黄拌面，以鲜嫩既蟹黄拌滑嫩既面条，口感丰富，味道鲜美，太正！呢到当然唔少得一系列寿司、串烧、日式一品料理等等。创意卷物既用料非常丰富，啖啖足料！小食方面，有避风塘鱿鱼圈，香脆可口；串烧就最爱鸡软骨、牛舌等等，都系每次必点。一品料理紧系要试下炆花胶，真系满满骨胶原，调味又几好，同埋呢到一定要食既烧榴梿！亮点之一，不停order哈哈最后紧系要食甜品，有好多雪条、雪糕选择，一定要食既紧系有Häagen-Dazs雪糕，都系任食！呢个放题真系味蕾既最大满足，快啲嚟一齐享受呢个超值嘅日式放题啦！#观塘鳄鱼恤中心