牛站(駅)麻辣火鍋放題

营业中

休息中

打边炉系香港一年四季都受欢迎既菜式，想打边炉既话，位于尖沙咀既「牛駅麻辣火锅放题」系一个唔错既选择😆，因为食物选择超多，唔止火锅料，熟食、甜品、饮品都有劲多选择🙌🏻。我地拣左美国极黑和牛套餐，食两个钟19:30前离座每位$258，汤底就拣左花胶鸡汤，入面有花胶同两只鸡腿🍗，汤底唔会太咸。先讲牛肉，呢个套餐有SRF美国极黑和牛、美国安格斯牛板腱，同埋肩胛肉选择。牛板腱系我既最爱，肉质厚实脂肪比例较少，食多几块都无负担😆。海鲜都有大量款式选择，包括海虾、帆立贝、鱿鱼、鲩鱼片等等。鲩鱼片已经去骨，而且啖啖肉又鲜甜，十分推荐。餐厅除咗用QR code落单，仲设有自助区，有大量蔬菜、丸、熟食，例如鸡软骨、鸡肾、肉燥饭等等，饮品方面，汽水、茶呢D系基本，竟然有樽仔奶茶同埋梅酒、清酒！仲有超多甜品，Häagen-Dazs雪糕都系任食。