陶館

营业中

休息中

同事话去食蛇窦 一个礼拜食二十次蛇 仲要唔识写个窦字 净系话食蛇 真系好伤心 于是我就聪明咁话 不如试下蛇隔离𠮶间嘢啦 每次排蛇都见到好多人排呢间 唔知系咪好好食呢 排左一阵 姐姐话就到等多十分钟 于是十九几分钟之后 姐姐又话等多十分钟好快到我地 不如睇住食咩先 于是十九几分钟之后 姐姐话下一张就到你啦 帮你落住单先啦 好啦 喺我地努力不懈之下 终于！等到位啦 哇 入面咁细 怪唔之得要等咁耐 坐左无耐嘢食就到啦 都算好有效率呀 开心 个朋友话呢度食饭有嘢饮送好抵 好啦 应该系中环食得饭多转换左大家物价概念 不过最后俾钱唔知点计 好似贵过我地既计法 返到office先发现 好贪心 嗌左鳗鱼咖喱蛋包饭 因为怕鳗鱼唔好食 咁我仲有咖喱 咖喱唔好食我仲有蛋 蛋唔好食我仲有鳗鱼 无错啦 三样嘢都可以分返开做三个饭 所以真系好贪心咁一次过满足我三个愿望 鳗鱼都几好食既 鳗鱼汁唔错 鳗鱼依然系有细骨既鳗鱼 唔钟意食到细骨既人就唔驶考虑啦 蛋味被咖喱同鳗鱼盖过晒 于是就只系一块单薄既蛋皮 想食蛋你过返隔离啦咖喱系都几好食既咖喱 唔会好辣 但系个味好好送饭 如果放多啲薯仔𠮶啲垃圾应该会唔错 👍🏿最后备注