影片
更多
2020-06-09
977 浏览
好耐无食过自助餐喇！咁大火仲唔系高温消毒？！依加铜锣湾维景酒店推出咗火焰半自助晚餐！前菜、沙律、芝士、甜品、果汁类系自取任食，价钱就按自己所选嘅主菜而定，价钱介乎$308-$388。另外，每位客人都会再送一份火焰龙虾汤同埋火焰甜品！如果想食海鲜，可以再另加生蚝、冻海鲜拼盘、刺身船⋯我就试咗佢地嘅生蚝同冻海鲜！#生蚝 每份有3只，分别有法国、爱尔兰、苏格兰，3款都非常新鲜，大大只，好鲜甜！个人最钟意爱尔兰𠮶只，海水味适中，蚝身又够肥美，连柠檬汁都唔洗落，直接啪咗，正！#海鲜 拼盘就有长脚蟹、青口、海虾、翡翠螺。送到之后会喺干冰上倒啲水，制造出仙境嘅效果，天气咁热辣辣，见到都觉得舒服！真系一晚玩齐冰火两种感觉！食完海鲜类之后，餐厅亦准备好为我地表演第一场火焰表演！先嚟个火焰龙虾汤！先将龙虾肉炒香，再加少少酒，再点火！哇！啲火大到吓一吓！火完𠮶吓个香味真系充斥住成个场！再将龙虾汤煮热就可以上枱！龙虾汤够香浓，仲有大大件龙虾肉，好味～饮完汤之后，可以先去出面拎啲头盘前菜食住先，再等下场嘅主菜表演！餐厅好体贴地要求每位客人都要带好口罩，仲有一位职员专为客人带同除手套！食物方面，我最钟意佢地啲芝士
好耐无食过自助餐喇！咁大火仲唔系高温消毒？！依加铜锣湾维景酒店推出咗火焰半自助晚餐！前菜、沙律、芝士、甜品、果汁类系自取任食，价钱就按自己所选嘅主菜而定，价钱介乎$308-$388。另外，每位客人都会再送一份火焰龙虾汤同埋火焰甜品！
如果想食海鲜，可以再另加生蚝、冻海鲜拼盘、刺身船⋯我就试咗佢地嘅生蚝同冻海鲜！
#生蚝 每份有3只，分别有法国、爱尔兰、苏格兰，3款都非常新鲜，大大只，好鲜甜！个人最钟意爱尔兰𠮶只，海水味适中，蚝身又够肥美，连柠檬汁都唔洗落，直接啪咗，正！
#海鲜 拼盘就有长脚蟹、青口、海虾、翡翠螺。送到之后会喺干冰上倒啲水，制造出仙境嘅效果，天气咁热辣辣，见到都觉得舒服！真系一晚玩齐冰火两种感觉！
食完海鲜类之后，餐厅亦准备好为我地表演第一场火焰表演！先嚟个火焰龙虾汤！先将龙虾肉炒香，再加少少酒，再点火！哇！啲火大到吓一吓！火完𠮶吓个香味真系充斥住成个场！再将龙虾汤煮热就可以上枱！龙虾汤够香浓，仲有大大件龙虾肉，好味～
饮完汤之后，可以先去出面拎啲头盘前菜食住先，再等下场嘅主菜表演！餐厅好体贴地要求每位客人都要带好口罩，仲有一位职员专为客人带同除手套！食物方面，我最钟意佢地啲芝士，其中有款法国嘅Herbes Cheese，入口又香又Creamy，送面包/饼干都一流！另外沙律吧有烧菠萝！食主菜前食返几旧开下胃口都唔错！
主菜方面，一共有7款选择，当中有2款桌前烹饪精选，就系有得睇表演嘅款式！有牛柳同虎虾选择～我就拣咗田螺黑椒牛柳，另一份就拣咗清烧茄子银鳕鱼！火焰牛柳同样会推格车仔出嚟，喺面前煎排同点火～喺面前即煎闻到𠮶种香味，真系同平时好唔同！真系色香味俱全！牛柳五成熟，控制得啱啱好，表面轻轻煎过，做到锁水效果，肉汁锁住喺入面，入口嫩滑富肉香。个人觉得唔需要配黑椒汁都已经好好食～
虽然清烧茄子银鳕鱼就无得玩点火，但味道都相当唔错，鳕鱼入口嫩滑，重点系鱼皮煎得香脆！再加埋烧茄子、灯笼椒、洋葱，整体感觉相对轻怡，食完都无乜罪恶感～
食完主菜又可以出去行下拎甜品～有芝士蛋糕、朱古力蛋糕、啫喱、迷你果挞、朱古力、泡芙、生果外⋯仲有Haagen Dazs系任食嘅！丫！面包旁仲有个暖住嘅椰挞！表面焗得干身，有少少微脆口感，又唔会太甜。
火焰甜品可以开估系咩喇～火焰车厘子！
做法有啲似煮苹果金宝啲苹果咁，加咗邪恶嘅牛油同糖煮，又点会唔香！点火后上碟，再加上一球雪糕、忌廉、杏仁片做点缀。车厘子好大粒同厚肉，入口酸酸甜甜，作为饭后甜品，完全唔会觉得漏～令人满足！
🍨🍒🍨🍒 🍨🍒🍨🍒服务方面要赞一赞，职员好有礼貌，好奇问下点火𠮶位姐姐，用几多度嘅酒先会咁大火？又问佢点到咁大火会唔会好危险😂我睇到都惊烧亲手。佢都好有善咁同我地倾咗阵，原来佢地训练咗2个月，无想像中咁危险⋯厉害厉害
👍🏻👍🏻👍🏻👍🏻👍🏻👍🏻👍🏻👍🏻
优惠方面：
依加喺Openrice买现金券，有75折。
用$75就买到$100现金券，无限1次用几张。
📍📍📍📍📍📍📍📍📍📍📍
缤纷维苑餐厅
天后铜锣湾道148号香港铜锣湾维景酒店2楼
📍📍📍📍📍📍📍📍📍📍📍
张贴
