糖圓園 (已結業)

见女朋友咁钟意食雪花冰，就故且去试一试沙田呢间近近地既舖。讲真，去之前都冇咩期望，觉得应该都唔会够糖百府好。去到，虽然有少少队，但都唔系咩长队，更好～出面见到个Menu其中有一只味叫Pina Colada，完全唔知咩黎，入左去问返人先知系菠萝椰子(其实佢打错左，应该系Pine)。行入去时，见到人地枱上既一碟碟，我同女朋友见到都好兴奋：「咁大碟既！简直系糖百府既2倍！(但个价系一样)」坐底，虽然味道的确少左o的，但食左咁多次，都唔追求咩特别味。不过其实佢除左Menu既几只味，仲有是日推介既味，我o个日系蜜瓜同阿华田味。最后我叫左个菠萝揶子味，女朋友就叫左个蜂蜜绿茶。我个菠萝揶子几好食，起码个味唔系成日食，又唔系太酸，岩我。女朋友个绿茶我就觉得唔太好食，冰既口感唔够滑，同埋茶味过出，冇咩甜味，可能系茶既特性吧。最后女朋友o个碟因为太大碟，食唔哂。下次会考虑两个人一碟，又平好多。