沾仔記麵食 (已搬遷) 新店位置

女朋友系佐敦返工，佢成日话这间店好食，于是今日经过就谂住试下佢。星期六中午入去，都坐到差唔多满晒，可能因为本身座位比较少既关系。我谂食饭时间去基本都要同人搭枱，不过都系大概4个人坐一张枱相对都算舒服，唔会好似潭仔食饭时段迫到6个人一张枱。食物选择不多，最特别就系云吞，因为比市面上既大好多，又好足料我同女朋友各点左一碗双拼，分别系云吞牛肉同埋云吞鲮鱼球。鲮鱼球分量都好多，但系后知后觉既我问返女朋友先知道，如过两个人去食，又想食两样𩠌，其实唔洗分开叫两碗双拼，可以叫两碗唔同𩠌既单拼。因过原来叫双拼系比单拼贵5蚊，但系云吞同鲮鱼球加埋同单拼一样系比4粒。一旧云吞入面有超多虾仁🍤，真系相当足料。一碗有4粒都系29蚊又真系几抵食。最后想讲佢仲有玻璃瓶既可口可乐饮（但得细支装）。