影片
更多
2023-12-28
114 浏览
超级失望嘅一餐。入到去坐窗边四人位，转个头侍应就埋黎话要分台比另外两个客，心谂圣诞乜唔系一早book好枱预备好㗎咩？仲一早whatsapp话分左两转六点同八点比埋deposit，无啦啦分咩枱呢？分完枱劲窄所以跟住就要求调位。调完枱坐低侍应无主动比箱仔比我哋放袋同外套，扣分。跟住俾左啲完全无温度嘅面包，牛油少得可怜，食都唔想食。冷盘有青口，虾同翡翠螺，10分普通酒店自助餐质素。不过呢啲系送嘅唔洗钱，我算。未落单就有个疑似炒散待应送个他他同鹅肝过黎，虽然我想叫呢两样啫但系未落单㖞，同佢讲完佢转过黎又递多次过黎，都话未落单啰，粗左。另外有个著西装嘅哥哥应该系经理，全程无主动过黎帮手落柯打，我咁大声讲完你都零反应，炒散哥同佢又好似零沟通咁，咁嘅服务抵唔抵赞？正式开始头盘嗌左个红虾他他同鹅肝，红虾他他个汁劲重梅味完全食唔到虾味，喺咪啲野唔新鲜先咁整？鹅肝完全冇温度唔脆面只系仅仅熟，啤梨食得出系现成。跟住嗌左两个松露蘑菇汤，味道ok都算浓但系又系唔够热。意粉就嗌左松露意粉同虾汁意粉，味道唔错，意粉都煮得岩岩好，系略嫌虾汁太多太浓，不过整体黎讲意粉系好食。主菜要左和牛朳同牛𣍰肉。和牛扒要三成煎唔错，
入到去坐窗边四人位，转个头侍应就埋黎话要分台比另外两个客，心谂圣诞乜唔系一早book好枱预备好㗎咩？仲一早whatsapp话分左两转六点同八点比埋deposit，无啦啦分咩枱呢？分完枱劲窄所以跟住就要求调位。
调完枱坐低侍应无主动比箱仔比我哋放袋同外套，扣分。
跟住俾左啲完全无温度嘅面包，牛油少得可怜，食都唔想食。冷盘有青口，虾同翡翠螺，10分普通酒店自助餐质素。不过呢啲系送嘅唔洗钱，我算。
未落单就有个疑似炒散待应送个他他同鹅肝过黎，虽然我想叫呢两样啫但系未落单㖞，同佢讲完佢转过黎又递多次过黎，都话未落单啰，粗左。另外有个著西装嘅哥哥应该系经理，全程无主动过黎帮手落柯打，我咁大声讲完你都零反应，炒散哥同佢又好似零沟通咁，咁嘅服务抵唔抵赞？
正式开始头盘嗌左个红虾他他同鹅肝，红虾他他个汁劲重梅味完全食唔到虾味，喺咪啲野唔新鲜先咁整？鹅肝完全冇温度唔脆面只系仅仅熟，啤梨食得出系现成。
跟住嗌左两个松露蘑菇汤，味道ok都算浓但系又系唔够热。
意粉就嗌左松露意粉同虾汁意粉，味道唔错，意粉都煮得岩岩好，系略嫌虾汁太多太浓，不过整体黎讲意粉系好食。
主菜要左和牛朳同牛𣍰肉。
和牛扒要三成煎唔错，小㶶边，好食。肉汁不过不失，个配菜好差，个焗千层薯完全唔脆，好似沟左好多粉咁，无薯味同出奇地烟韧，红萝卜系白烚食都唔想食，芦笋虽然都系烚但本身够嫩可以放入口。虽然配菜好差，又系成碟野都唔够热但个扒唔错所以整体都算ok合格。
牛𣍰肉本身以为佢会焖到好腍，但食落系有咬口不过未至于痴牙难咬𠮶种，本身都可以比佢合格，但个酱汁连佢最后翻身嘅机会都扼杀埋，佢个汁食落系用现成嘅肉酱意粉酱，可能加左啲herps整成，成件事劲浓劲唔夹，最惨系唔够热，试幻想将唔热又浓嘅肉酱意粉酱放入口系咩滋味
最后叫两个tiramisu，有惊奇！个cream甜得济，重点系佢放无浸过咖啡嘅嘉顿手指饼！个手指饼吸收左水份后咬落系浆口！呢个新配方系边位高手谂出黎？真系佩服。
要赞系佢收钱好有效率，未上甜品先收钱，出门口西装哥喺门口可能为左保持专业形象选择举手示意出口而唔帮手开门，呢啲服务边度揾？
整体而言，服务差，楼面好似零沟通，茶记feel唔专业。食物本身质素感觉系ok但烹调手法唔掂，怀疑大厨或二厨今日放假揾替同like 数，两位埋单千七蚊人均八百几（和牛另加百几）比啲咁嘅服务同食物质素，值唔值请自行斟酌，反正我觉得唔值。
张贴