海灣餐廳及海灣咖啡室

营业中

休息中

之前听朋友介绍话好得，点知好失望。服务同环境都几好，但食物选择不多。刺身都新鲜，但系连多数人钟意食嘅三文鱼都冇。寿司款式都不太多。冷盘海鲜有虾，蟹脚，青口，蚬，东风螺。熟食嘅选择都唔多，大约有牛腩，咖哩，炒饭，菜，叉烧，油鸡烧鸭.... 牛扒就变咗烧烤完切好一小块咁俾人夹。仲有粉面区煮汤河。甜品区再令人失望，得一个小小display 柜，好似平时甜品店个小小display柜咁。另外一区有细萄挞，细waffle （但系冇蜜糖&练奶，只有朱古力&士多啤梨酱😩），豆腐花，汤圆同生果。最吸引只系个雪糕柜，有六款雪糕。综合所有食物嘅质素同味道都唔错，但系唔值哩个价。原本我哋每人要俾$580，但系埋单𠮶阵个staff话如果我哋download 佢哋个app join 会员即刻有六折，所以最尾埋单每人要俾$350。折咗$350去食都好唔抵食。仲有周围不时有著住泳衣嘅住客行行去泳池。