Egg O’Clock (已結業)

虽然唔系成日嚟，但嚟亲都同蛋钟老板倾唔停嘅！上至天文，下至地理，佢都可以同你倾得！但我每次嚟，都会有住同一个问题: 其实件鳗鱼咁大件，真系谂唔明呢间舖头点样维生㗎？加埋个炒蛋又嫩又滑，同饭一齐食真系绝配！大推鳗鱼蛋包饭，如果想减糖，仲有椰菜花饭可以选择添，跟餐仲要有嘢饮，次次食，次次都要下次嚟Encore!!次选就会拣佢个蛋治，个面包超软熟，件炒蛋又热辣辣，真心觉得好好食!!再嚟嘅配脚，当然系佢整嘅多士啦⋯⋯有靓嘅方包，就会出到好嘅多士!!一个真心想做好呢间铺嘅老板，自然就会对出品有所要求。