陳鵬鵬潮汕菜館

营业中

休息中

呢间潮汕菜馆由 2016 年喺深圳创立，并于今年3月底正式登陆香港～ 餐厅曾荣获多项大奖，包括中华卤鹅大赛金奖、法国鹅肝大赛亚洲首奖、香港潮州菜大赛银奖、连续4年荣登大众点评「必吃榜」等等，想食潮汕菜嘅就唔好错过啦！平日晚上大排长龙，有时间嘅建议早啲去攞飞，如果唔系等到天光都未入到，呢个地点呢个价钱真系冇得输，难怪咁多人去食。一坐低就叫咗呢度嘅招牌菜，金奖潮卤拼盘包含唔同部位嘅鹅，煮至入味，新鲜肥美，配搭丰富，必点之选。私心推介香煎鲳鱼，原条上，好睇又好食。肉质又肥又滑，骨唔算多，外层煎至微微脆身，鱼头最正，油脂感十足，唔觉唔觉就清晒。南澳蚝仔烙见周围嘅客人都有点到，果然有料，炸至金黄酥脆，蚝仔大粒又肥美，而且食落唔油腻。主食有海鲜砂锅粥，配料十足，连虾都细心地切开左半边方便食用，饭粒无煮到好绵所以带点口感，汤底味道调味适中，份量好多适合多人分享。最后要埋个七样菜，大杂烩，样样有少少，新鲜，鲜甜，饮埋个菜汤真系饱晒。