一風堂 (朗豪坊) (已結業)

今晚我们去咗旺角朗豪坊嘅「一风堂」食晚饭！我们叫咗特制黑拉面、黑云吞、鳗鱼饭、温泉蛋叉烧沙律、温泉蛋豚肉丼、牛油果熟虾伴山葵酱同一风堂叉烧角包！特制黑拉面嘅猪骨汤底非常浓郁，再加埋黑蒜油，令到味道更加香口惹味，拉面嘅面质系比较粗身，所以更加爽口弹牙，口感更加丰富！黑云吞嘅皮都几烟韧弹牙，但馅料嘅份量就比较少！鳗鱼饭嘅鳗鱼肉质非常嫩滑弹牙，炒饭炒得镬气十足，味道相当惹味！温泉蛋叉烧沙律嘅卖相非常吸引，叉烧嘅肉质好腍好松软，炸面炸得相当香脆！温泉蛋豚肉丼将温泉蛋、豚肉同酸姜捞埋一齐食，酸酸嘅味道相当惹味醒胃，豚肉嘅肉质亦好嫩滑！牛油果熟虾伴山葵酱嘅熟虾非常爽口弹牙，牛油果相当香滑，山葵同沙律酱加埋一齐嚟做酱，真系好惹味，不过唔会攻鼻！一风堂叉烧角包嘅叉烧味道好香甜，包质相当香滑松软！