南越南咖啡廳

营业中

休息中

同朋友去咗越南餐厅食饭，真系好开心！环境又靓又舒服，感觉好放松。我地食左越式咖哩牛肋条，配埋蒜茸法包。牛肋条炆得非常之入味，肉质嫩滑，咖哩味道浓郁又唔腻，搭配住法包一齐食，混埋咖哩汁，简直系美味到爆！法包外脆内软，真系好配！我地仲叫咗越式发酵茶叶沙律。沙律上面有好多新鲜嘅菜，特别系茶叶，味道好清新，仲有一啲酸酸甜甜嘅感觉，食落去好开胃，真系一个好好嘅前菜。之后就系惹火上身咸柠猪颈肉，呢道菜真系好正！猪颈肉烧得香脆，配上咸柠檬汁，咬下去有一种爽口嘅感觉～有埋菠萝一齐食平衡油腻感觉～ 咸柠猪颈肉捞檬都好好味，加埋鱼露好突出～食完真系忍唔住想再来一碗。饮品方面，我地叫左南越冬瓜茶，味道清甜，正好解渴。香茅青苹果茶就更加特别，清爽又有香味，夏天饮真系爽口得滞。我地仲叫咗越式薏味栗米条做甜品，外脆内软，口感非常之好，仲有少少甜味，食完一口就想再食多几条。而且佢哋嘅扎肉心内美米纸卷都好好味，米纸包住新鲜嘅配料，食落去有一种清新嘅感觉，真系唔错。