泰濃麵 (樂道)

营业中

休息中

泰浓面呢间餐厅其实我已经食咗好多次！除咗抵食之余，个面真系有泰国嘅感觉，够晒正宗。汤底方面，有船汤 / 冬荫功 / 清汤。面质都有多款选择，我个人就推介金边粉，因为够晒索汤！炸虾饼炸虾饼的外皮酥脆，内里却饱满多汁，咬落去可以感受到虾肉的鲜甜同埋好爽弹！黑豚肉船河-船汤底黑豚肉厚薄适中．健康不油腻。配埋泰国传统船面，汤底劲浓，船面汤底会有白萝卜、芽菜、鱼蛋配送。饮完一啖汤会想继续饮！仲有最正系个炸猪皮，劲香劲酥脆！芫茜山-船汤底一向钟情食芫茜见到真系心心眼！竟然有300g 份量嘅芫茜山！一上枱真系好震撼，因为真系一座山！依然系选择金边粉，船汤底既香浓加埋芫茜既独特香气真系醒脑醒出神，食得过瘾！最后冻冰冰饮返杯热姜蜜，成个人舒服晒。