Dazzling Cafe (皇室堡) (已結業)

系皇室堡见到呢间餐厅唔使等位就谂住试下, 环境好舒服, 台与台之间又唔会觉得好迫首先叫左个黑松露薯条新鲜热辣辣既薯条配埋黑松露一齐食好好味, 呢间餐厅都好重本, 因为真系好多黑松露, 另外仲配左2个酱配埋一齐食tim跟著黎到个主食啦, 明太子义大利面一上到台即刻哗左出声, 因为有劲多明太子, 成个意粉捞埋之后, 系每一啖食落口都有明太子既味道, 真心推介而且意粉唔会煮到淋哂, 食到好满足跟餐仲叫左杯热水果茶本身已经有橙提子苹果系个杯度, 倒埋茶一齐饮, 入口唔会觉得好甜, 个壶茶份量都有好多, 真系有排饮