岩鹽日本料理 (利舞臺廣場) (已結業)

📍之前试过呢间餐厅都好好食，今日同朋友再嚟利舞台食多一次佢哋个釜饭先。叫咗份三文鱼牛油果米纸卷($55)做前菜，一啖可以食晒青瓜、牛油果、生菜同埋三文鱼，食落爽口又够哂fresh。鲔鱼双色卷($108)面头既鱼生够厚切，入边仲有吞拿鱼蓉！朋友食开重口味，店员推介我哋试茄子田乐烧($78)，茄子面头有鸡肉粒同埋一层口口嘅味噌，食落多汁又劲香！嚟度一定要食釜饭！餐厅出边仲有个橱窗位可以见到佢哋系即煮，广岛蚝釜饭($168)入边有四粒蚝仔，焗佢1分钟之后就可以捞匀嚟食，仲可以夹住紫菜或者整成茶渍饭食。最后叫咗个椰子雪葩，不过椰子味淡啲，奶香味比较浓郁。