隨心華人喇沙海南雞

营业中

休息中

来到鲗鱼涌又有新发现，今晚品尝到超级美味嘅海南鸡喇沙汤面，高质素之余，重要价钱优惠，值得大推！呢间<随心华人喇沙海南鸡>主要提供嘅系马来西亚美食，而佢哋除咗可以散叫之外，仲有抵食嘅二人套餐供应。二人套餐一啲都唔贵，可以选择两个小食同埋两个主食，仲包两杯饮品，都系$218！！~<海南鸡喇沙>海南鸡已经去晒骨，而且就算是鸡胸肉都非常之嫩滑，喇沙汤底味道非常之浓郁，带有好香嘅香料味道同椰子汤底味道，微辣惹味。<新加坡炒贵刁>新加坡炒贵刁带有浓香嘅酱油香味，而且材料都好丰富，配有大虾仁、芽菜同腊肠一齐来炒，非常香口美味。<鸡肉串烧、猪肉串烧>串烧烤得微微焦香，入口仲带有肉汁。<凤尾金丝虾卷>用面条包住虾肉来炸，炸得非常金黄香脆，咬落去仲弹牙好食。最后配上马拉拉茶，拉茶入口带有香浓嘅茶味同埋奶味，仲有特别嘅香料味道，必试之选！餐厅除咗食物质素非常之好外，餐厅嘅环境亦都非常之舒服，下次值得再来。