野郎Stone Ya Rou Stone

营业中

休息中

今日返工闷到出汁，要医治呢一种郁闷嘅感觉，必须大啖大啖咁食高质素嘅牛扒发泄吓。今晚去到北角嘅一田超级市场，见到呢一间食铁板，或者用蒸笼煮嘅牛扒，就坐低试吓。我拣咗300 gram嘅美国精选肉眼扒，再加$30转套餐。呢一个肉眼扒，一上枱，就俾侧边嘅食客望住，因为佢实在太吸引。喺铁板上面咋渣声，肥膏同埋根部食落口系即刻溶化，而整块牛肉厚度适中，每一口都系享受。喺薯蓉同埋白饭之间，我周旋咗好耐，最后拣咗白饭。而呢一个决定系明智嘅，因为呢一个白饭除咗好味之外，我仲可以话系貌相好靓，令我越食越开胃。我仲想讲当晚服务嘅姐姐，态度好亲切，佢成个人好开心，好诚恳，虽然好忙，但系都对每位客人照顾周到，而且充满正能量，我都唔记得咗所有郁闷嘅感觉，非常感谢佢嘅服务。