豪火鍋 (已結業)

礼拜一同班同事劲OT到十点，想慰劳下自己，想打边炉食好少少，又唔想去Ｄ饮食既场，去到尖咀厚福街差唔到尽头，见有间上楼既火锅店，四百蚊左右有四个碟野，仲包加一茶钱，价钱都算几平。入到去，人唔多，可能因为新开张，所有设备都好新。重点黎啦，我地三个人，叫左个四百蚊个套餐，先黎头盘，冰镇豪三宝，冰底载住猪肠，又冻又脆，正！仲有鲍鱼！不过我最钟意都系梅酒大丁凉瓜，苦瓜有话梅味，好脆，好有口感，酸味味好醒胃。根住黎个辣鸡锅，我叫左小辣，但都已经好辣，超正，有云耳、黄牙白，愈浸愈好味，愈浸愈辣，鸡好嫩又大份，加上鲜牛肉同菜篮，已经好够我地三个人食，经理话牛肉系本地手切肥牛，唔系度度有得食，佢地好辛苦先揾到货源，食落又真系新鲜Ｄ，牛肉好重。其实见到小炒有七折都想试下，不过鸡锅好好食，汤都好好饮，所以叫唔到其他小炒，下次再黎食小炒先。