豪火鍋 (已結業)

同阿爸阿媽喺尖咀行完街，決定喺附近搵個地方食晚飯，難得佢地出黎，費時又返番屋企果頭食啦！阿媽話想食小菜，我上網search search之後揀左呢間。打開餐牌，選擇都幾多，價錢亦算經濟實惠，叫多幾樣都唔肉赤，最後每人揀左兩款，好期待！先黎兩個小食，口水花蛤同太爺豬手。就咁睇賣相已經感覺到啲花蛤有幾新鮮，其實食材咁靚原味應該都已經唔錯，師父再花左啲心思去煮成辣味，更加突出果份鮮甜，讚！而個太爺豬手爽口入味，唔會太鹹，膠質好重，阿媽狂食話要補骨膠原。小菜揀左4個，唔好以為呢個青芥末牛仔粒咁潮既菜係我叫架，其實係老豆點架，佢知我鍾意食牛，但平時成日都係食中式牛柳，所以就話不如搞搞新意思喎，即刻變得好日式。牛仔粒好鬆化好腍，青芥末有少少攻鼻，所以食得好過癮。阿媽見到有鮮淮山浸時蔬就雙眼發光話一定要點，勁讚淮山有益，又清潤又健脾胃又補氣一大堆好處，叫我要食多啲。平時淮山通常都係出現喺阿媽煲既湯入面，原來食落都幾爽口鮮味，加埋其他蔬菜，即刻覺得腸胃都清左。而個涼瓜菜甫煎蛋又係阿媽揀既，又係睇中 涼瓜 清熱，又係咁叫我食多啲。講真我對 涼瓜真係有啲抗拒，果種甘味就好似榴槤咁，鍾意既就好鍾意，唔鍾意既

天氣差，成日落雨搞到啲天氣又涼涼地，男人帶左我去恰下恰下：豪火鍋嘅唔豪火鍋睇雜誌都見過，係未黎試過，出名食象拔蚌唔貴，梗係叫返隻黎食啦，一上枱，嘩，層次分明，厚薄統一，以為佢細細隻但點知都幾多肉下，冰底夠凍，象拔蚌夠新鮮同爽脆，點小小日本芥辣簡直一絕！仲有膽定個心，唔腥之餘稔稔地又鮮甜，又另一個口感，眨下眼食碟象拔蚌食晒，跟手侍應就上個椒鹽嘅，老老豆豆，你問小妹咩黎小妹就真係講唔出，不過侍應話係個膽定個心附近嘅嘅，對於小妹黎講，有得食好野真係話之佢係咩，淨係知師傅炸到外脆內軟，熱辣辣，卜卜脆，噯e see~刺身加椒鹽两食只係要$498,真係好抵食！講返滾下滾下，豪火鍋啲食材又真係幾豪，一啲都唔孤寒，呢碟 豪火鍋牛肉拼盤，包火鍋湯底一個，牛肉分別有：安格斯牛頸脊，金錢蹍，牛舌心同本地手切肥牛，底層嘅安格斯雪花均勻，放落湯度拖一拖再放落口，真係只溶喺口，金錢蹍夠晒彈牙爽口，牛舌心好有咬囗，一碟牛肉都豐富晒口腔嘅口感啦～

尋日同啲朋友去左豪火鍋打邊爐，點解咁多間唔揀，揀呢間，話說個fd喺個group度分享左啲相，就係喺豪火鍋呢度主打嘅象拔刺身，咁正，梗係上黎試下啦～先黎嗌返個湯底先，鴛鴦湯，麻辣湯，清湯，咩都有，岩晒唔同人唔同囗味，同埋以湯底佢都唔算貴目標：象拔蚌刺身！嘩！睇見都流晒囗水！侍應叫我地可以先食左個碗果個先，好似話係膽邊黎，點一囗芥辣豉油，鮮夾爽，唔好睇佢好似好肉酸，佢又真係幾好味！之後就梗係象拔啦！薄薄地一片，點小小芥辣豉油，噢，人間極品！鮮甜得黎又爽囗，咬落"索索"聲，真係幾過癮！眨眼間就分晒，之前侍應再上埋個椒鹽膽，呢個食法幾特別，外脆內軟，熱辣辣，幾得意！做緊優惠$498,都幾抵食！左邊叫鬼馬油炸鬼，脆身嘅油炸鬼配彈牙蝦膠，點埋泰式甜辣醬，誠意推介！響鈴係即叫即炸自家製，唔似般浸落湯就稔晒，仲會有半分脆囗，幾好！材料精緻又新鮮，唔會將貨就價，而且好有彈性，任何都可以叫雙拼，份量就返可以叫多啲唔同種類，正！最正係九點打後全單七折！真係要再encore!

成班同事Happy Friday食lunch，有人建議黎呢度，我心諗：「你個邊爐精，洗唔洗連lunch都要大家陪你烚下烚下呀？！」黎到先發現，原來火鍋以外仲有其他唔少選擇嘅……一坐低，邊爐精同事就拉住另一位同事order左個午市火鍋套餐，可以喺豆腐清湯、沙嗲鴛鴦鍋、咸菜豬肚鍋之中揀一個，火鍋配料方面有Prime級美國肥牛片、炸響鈴、魚蛋拼盤、脆鯇魚片、珍珠蠔、鮮野菜籃同粉麵，每位$128(兩位起)，lunch黎講真係好鬼死豐富。唔食火鍋嘅朋友亦可以揀其他嘢，有同事點左個無骨海南雞套餐($68)，我就叫左個日式魚頭鍋套餐($68)，亦分別有人試枝竹斑頭腩飯($ 28)同清湯蘿蔔牛腩配白飯($38)。先講下自己個set，日式魚頭鍋昆布湯底入面有日式魚頭、豆腐、香菇、金菇、娃娃菜、蘿蔔，再配白飯、紅豆明月冰卷同熱柚子蜜。魚皮同魚頭食落好有膠質，魚湯飲到香濃嘅味噌、昆布同魚味，其實剩係食個鍋都飽左6、7成，臨尾歎埋個冰冰涼涼香甜柔軟嘅甜品紅豆明月冰卷，full晒！而叫左無骨海南雞套餐個同事就話雞件夠嫩滑，啖啖肉好滋味，配埋油飯、油菜、金銀菜豬肺湯、紅豆明月冰卷同熱柚子蜜，又係食到咀lam la

天氣一凍，有乜好得過約埋成班friend一齊「烚下烚下」咁過癮？有朋友之前嚟過呢度食，話佢哋食物有水準得嚟價錢亦合理親民，仲不時有promotion益食客，所以我哋一早book定VIP房，8個人邊睇住電視、邊歎美食兼吹水~首先見到呢度搞緊個優惠，$498就可以歎到加拿大象拔蚌刺身及椒鹽兩食（原價$888），大家一致通過要叫~兩種食法一冷一熱可謂各有特色，作為刺身可以食到果份新鮮同爽甜，師傅切得很薄盡顯刀功；而椒鹽就非常香口脆身，見到好多檯都有order呢個兩食，就知抵食啦~由於呢個兩食實在太滋味，大家決定照辦煮碗，再嚟一個章紅魚刺身及椒鹽兩食，章紅魚刺身突顯肉質鮮美、清脆爽口有咬勁；椒鹽章紅魚就炸得好鬆脆，香口中仍能嘗到魚嘅鮮甜~另一個相當吸引嘅promotion，就係每位只需消費滿$200，即可以$1歎重慶麻辣雞煲！濃稠嘅醬汁緊緊包住嫩滑雞件，香辣惹味，雞肉盡吸香料精華同醬香，極為juicy~食到尾聲加湯打邊爐，配埋大大杯巨無霸鹹檸7，真係perfect match~火鍋配料方面，首先要讚讚佢哋個廣島珍珠蠔，蠔身漲卜卜好肥美不在話下，輕灼後入口好新鮮，蠔味濃郁，真係蠔中極品；另外叫左

環境：乾淨企理，不過要行少少樓梯牛肉鍋定食：有個爐仔燒住個牛肉鍋，牛肉份量非常多，而且湯底唔油唔鹹。牛肉雖然唔肥，但係都入口即溶。白蘿蔔非常鮮甜，整體非常滿意。無骨海南雞飯：有個好清甜嘅豬肺湯，有塊豬肺食。雞肉嫩滑，不過欠雞味。雞油飯有啲硬，但好食。最重要嘅薑蓉係唔油嘅，非常好，阿姐仲額外俾多一碟我地，撈飯一流服務：非常好，無野可以挑剔食物好味，不過配搭得好有趣。例如食緊海南雞飯，個甜品竟然係日式糯米糍。即係有啲似食緊冬瓜盅，之後無啦啦有碟法式煎鵝肝，跟住有碟pizza咁。

近排天氣凍左，紅日假期前撞正夜收工，夜晚十一點幾，好肚餓但又諗唔到食咩。。朋友提議之下不如去豪火鍋打邊爐，於是乎就走左去尖沙咀😊！火鍋店位於厚福街，一問之下，原來凌晨兩點先收工，真係好啱我呢啲夜收工嘅人黎食宵夜。店內裝修精緻，環境好舒服！我哋兩個人你安排到卡位坐，位置寬躺，一邊打邊爐一邊望住街景都真係唔錯！原來夜晚九點半之後，係消夜時段有特價，重慶麻辣雞煲都只係一蚊，真係超值！重慶麻辣雞煲 $1雞煲一上枱，經理教我哋，開大火只需滾一分鐘就即刻可以食得，我哋兩個人只係一蚊就足足有半隻雞，雞好新鮮！連我最鍾意食嘅雞胸感覺都好滑溜，一向鍾意食辣嘅我，對辣味嘅要求其實都幾高，呢個重慶麻辣都好正宗，辣中帶麻嘅感覺超級開胃！1.鬼馬油炸鬼＄48脆卜卜嘅油炸鬼上面鋪滿左爽口彈牙嘅蝦膠，滾咗一陣間就已經可以食。一啖咬入口，油炸鬼已經吸晒湯嘅味道，加上蝦膠好彈口，爽！2.鮮淮山＄28鮮淮山真係唔係度度都可以食到，簡直係打邊爐嘅恩物！試過喺其他鋪頭叫鮮淮山，結果全部都係細細粒架超級薄片。。呢度嘅鮮淮山真係好足份量，每一粒都係大大粒！3.炸番薯＄28紫色炸番薯，上枱時令我覺得好有日式風味，只係輕輕浸一陣湯已

睇FB好似 OK 咁咪去試吓囉，六人七時去到全場得三四枱客，心裹一震，可能時間還早啫，坐下侍應即介紹$600蚊象拔蚌刺身和椒鹽二食，咁咪試吓囉………………OK 嘅，點知叫咗個醉雞煱，湯底唔夠藥材味，$288嘅本地手切牛肉，唔夠雪花兼無牛肉味，仲有$70嘅花甲得12粒（五蚊大細），唉…………其他火煱料都係一般嘅普通嘢！九時飽（一肚氣）埋單，全場都係得果三四枱客！六人二千幾蚊！以後請我都唔嚟諗住喺豪火鍋嘅FB評論吓啦，佢即刻删除我留言及 block 咗我！！！為有在此繼續評論以上評語，想信 Open Rice 不會删除我D評語呱。

好開心同好友AW來到豪火鍋。環境：舒服，寬敞明亮，沒有很重火鍋味道不怕走的時候全身連頭髮也是火鍋味。食物：新鮮，細緻美觀，喜歡味道不會太濃。服務：火鍋上時，職員教我們先喝湯再吃其他食物，之後也樂於幫忙加湯。價格：有些食物價格略高，因為預算有限所以不能多點其他去品嘗。豪火鍋多款火鍋湯底選擇，不同湯底不同價錢，另外食物也是單點不同收費選了木瓜番茄鮑魚湯，湯也很清甜不會太鹹（朋友覺得少鹹）小鮑魚鮮味不易灼太耐嚮鈴：新鮮脆卜卜，就甘食都好好食，如果浸係湯入面淋咗唔係咁好食。魚皮餃：味道剛好手打墨魚滑：口感好彈，推薦廣島蠔：肥美好吃

厚福街「樓上店」，是在裝潢的火鍋店，不是任點任食，單點的話，算是貴價火鍋。跟朋友二人前往，算是預祝聖誕大餐!點了蕃茄、木瓜一同熬製的雞湯鮑魚煲，有十二隻小鮑魚給我們炙來吃～店員耐心地指導我們先嚐鮮甜的湯，然後才開始打邊爐。另外還點了—　響鈴、魚皮餃、油麥菜、手打墨魚滑、生蠔。不過最後在邊爐發現一隻大蒼蠅，告訴店員後二話不說就用大湯匙盛走了，但一句抱歉也沒說，只裝作沒事發生過。整體食物質素不錯，全都很新鮮，食店環境也很「企理」，我們都很滿足，只是敗筆在店員處理「蒼蠅事件」的態度，大大打了折扣。 香脆的響鈴，伴泰食辣醬，不錯的餐前小食魚滑內有粒粒墨魚「肉」，很有口勁，非常足料既然來到，我們當然要一嚐與蕃茄、木瓜一同熬製的雞湯飽魚煲，湯底鮮甜滋潤，適合冬天享用~湯底的12隻小鮑魚分開上，先品嚐鮮雞湯，之後再把鮑魚放入滾湯中，二至三分鐘後就可以吃了，鮑魚口感爽甜，很不錯~我們點了半打廣島蠔，每隻都很肥味新鮮

風起，又是打邊爐的好時光！那天晚上，KsMeow跟友好來到尖沙咀厚福街的豪火鍋，圍著熱鍋，高興的吃喝暢談，令人滿足！．．．磯煮鮑魚，其被微甜的醬汁包著，小小一只，鮮而具咬口！以往，小妹愛選海鮮或較清的湯底，當晚所吃的「套餐」，包了羊腩煲及幾款火鍋配料，那就先嚐這配搭下的一煲兩吃吧！．羊腩煲湯頭濃香，吸收了羊腩釋放出的肉汁，惹味無窮，羊肉味濃卻不羶，甘香軟腍，爽而清甜的生菜，吸滿濃湯，沒不好吃的理由！吃過羊腩後，注入高湯開始打邊爐！．．．花尾龍躉爽嫩鮮美原隻波士頓龍蝦肉質爽甜，份量足！「套餐」包括原隻波士頓龍蝦及花尾龍躉，前者肉質爽甜，份量足；一行四人，每人最少吃了兩大件！後者則已起肉去骨及薄切，稍於湯中輕灼一會，入口爽嫩鮮美，令人吃得稱心！更詳盡食記，可到部落格看看喔！

雖然正值十一月尾，但香港的天氣似乎還有夏天的影子，就算是冷一點的日子，也只是徘徊在二十度左右，所以不用說冬天，就算說是秋天也好像似有還無。不過愈近年尾，心內的火鍋癮便自然的一日比一日高漲，所以無論天氣如何，也要找地方止止癮。今天便跟朋友，先在九龍市中心來吃一晚。什麼東西也未上檯，侍應毛拿來一個大玻璃壺，壺內已倒入玫瑰露酒，再拿來中蝦放入內，原來要先把中蝦用玫瑰露酒掩一會令它入味，待會點火做這個玫瑰冰鎮醉蝦，蝦肉未吃已聞到玫瑰露酒的香味，入口沒甚酒精卻鮮味不已。小食先行送上磯煮鮑魚，煮過鮑魚色澤深啡，應該用了不少時間炆煮，鮑魚有點咬口也入味，用來打開胃口也不錯。今天不用什麼特別湯底吃火鍋，而是用上古法扣羊腩煲來代替，普通的湯底就算用上雞湯，味道也要待滾過愈來愈多的火鍋料才夠味，但用上羊腩煲就沒此問題，一上來湯底便充滿鮮味，且羊腩已煮得夠淋，天氣冷的時候未吃火鍋料，可以先吃件羊腩來暖身的話也十分吸引。吃火鍋也要吃牛肉才比較過癮，大家就來分享一碟安格斯牛頸脊，牛頸脊放在湯中滾一會已可以，今天的既有油脂且肉味不錯，好牛的朋友應該可以自己吃一碟。火鍋料中還有龍躉，花尾龍躉肉質緊緻，吃來也有不錯的

又到吃火鍋的季節了，是晚特別與好友來試試新推出的秋冬古法扣羊腩煲套餐($738)，已包加一服務費、茶錢和醬料錢，足4位用每人平均$185，要是想多吃一點再散點幾個火鍋料，應該不會過$300。磯煮鮑魚。一客兩隻，分成八小份放在碎冰上，鮑魚質感柔軟，味道鮮甜。古法扣羊腩煲。每年到冬天都會吃好幾次羊腩煲，不過吃完用來打邊爐還是第一次。羊腩煮得很腍身，肥瘦均勻，不會太羶，其餘的馬蹄、炸枝竹和冬菇也不錯。羊腩煲會附送一碟唐生菜，一如以住的新鮮。原隻波士頓龍蝦。一開始還擔心波士頓龍蝦放在羊腩煲內會有點奇怪，但煮好之後味道也挺夾，羊腩煲的濃味並沒有蓋過龍蝦的鮮甜味，而龍蝦本身口感亦彈牙。原條花尾龍躉。花尾龍躉已起骨並切成薄片，雖然魚味略淡，但龍躉皮膠質豐富，魚肉口感又有彈性，而且一整條魚份量不小呢。雪糕三文治和鮮果拼盤。雪糕三文治有兩種口味，分別是曲奇忌廉與朱古力，另外鮮果拼盤即有西瓜和哈蜜瓜，吃罷熱烘烘的火鍋，來一點冰凍的甜品剛好可以降溫。以上的羊腩煲套餐包含的食物，另一方面我們還吃了這些。玫瑰冰鎮醉蝦。店員一開始把一個放了新鮮生蝦的玻璃球拿到我們檯上，接著倒入玫瑰露酒，當蝦喝了酒之後就不斷在玻璃

禮拜一同班同事勁OT到十點，想慰勞下自己，想打邊爐食好少少，又唔想去Ｄ飲食既場，去到尖咀厚福街差唔到盡頭，見有間上樓既火鍋店，四百蚊左右有四個碟野，仲包加一茶錢，價錢都算幾平。入到去，人唔多，可能因為新開張，所有設備都好新。重點黎啦，我地三個人，叫左個四百蚊個套餐，先黎頭盤，冰鎮豪三寶，冰底載住豬腸，又凍又脆，正！仲有鮑魚！不過我最鐘意都係梅酒大丁涼瓜，苦瓜有話梅味，好脆，好有口感，酸味味好醒胃。根住黎個辣雞鍋，我叫左小辣，但都已經好辣，超正，有雲耳、黃牙白，愈浸愈好味，愈浸愈辣，雞好嫩又大份，加上鮮牛肉同菜籃，已經好夠我地三個人食，經理話牛肉係本地手切肥牛，唔係度度有得食，佢地好辛苦先搵到貨源，食落又真係新鮮Ｄ，牛肉好重。其實見到小炒有七折都想試下，不過雞鍋好好食，湯都好好飲，所以叫唔到其他小炒，下次再黎食小炒先。

朋友生日當然會食生日飯今次的生日局就決定去打邊邊，之前有朋友試過LEE間，話好OK，咁就BOOK位去試下啦我地5個人，準時到抵，安排坐卡位座位都算舒服喎！GOOD未整人前我地先叫左個小食食住等黃金炸墨魚丸~~~好好味呀！外面有少少咸蛋黃，真係好好味，墨魚丸又鮮味又彈牙呀！LEE個餐好抵食喎！我地5個人，可以叫3個SET再散叫少少野就夠食喇LEE度真係好好，唔係幾多個人就要幾多個SET，好彈性處理，值得一讚！咁樣我地就可以試多D款喇調味盤都好多配料睇下個餐有咩食先先來一個刺身清清口腔先三點刺身~~~刺身好新鮮，又好甜美喎！三文魚前面果件魚生好好味，肉質好爽湯底有兩款川芎百芷魚湯大魚頭鍋~~~個湯底好多料架，仲好甜呀！未打邊爐前先飲碗湯先，好味呢！個海鮮盤真係好足料，一D都唔似餐花尾龍躉片~~~好重膠質的魚魚，好鮮味，個魚皮仲好好味，好似食緊啫喱咁，好多骨膠原大連鮮鮑片~~~鮑魚雖然細細隻，又唔"UN"，好味生中蝦~~~蝦蝦都好大隻喎，蝦肉好爽口，蝦味又十足桶蠔~~~好大隻呀，鮮甜味美安格斯雪花肥牛AND手切本地牛~~~好濃的牛味，在湯底內灼一灼就食得，真係好鮮味呢太白醉雞~~~酒味好香，