影片
更多
2020-10-17
116 浏览
老友生日，佢又返夜班，唯有喺晏昼同佢庆祝生日，食餐好啲嘅，所以拣咗朋友介绍喺铜锣湾嘅日本餐厅。餐厅位于铜锣湾充满食肆嘅登龙街，系楼上舖，入到去令人眼前一亮，餐厅宽敞温馨，充满日本风情，我俩拣咗Omakase 同昼食 ～ 和牛海胆饭试吓。Omakase（＄680）好丰富，包括前菜三款，刺身五款，和食， tempura ，寿司三款， 仲有汤、甜品㖭。讲明系厨师发板，梗系由厨师决定食乜嘢喇。今日厨师安排咗嘅前菜系胡麻秋葵、蟹肉水云、蟹肉汤冻水晶球。 三款前菜都好精致，最特别嘅系蟹肉汤冻水晶球，QQ的，仲加咗黑鱼子同金箔，好名贵呀！刺身系左口鱼薄切、粒贝、牡丹虾、秋刀鱼同金目鲷。呢度嘅刺身新鲜不在话下，最特别嘅系佢每样刺身都加有调味，除咗可以享受到海鲜嘅鲜味之外，加咗不同调味嘅刺身更加将海鲜提味，令刺身味道更有层次。左口鱼薄切牡丹虾秋刀鱼金目鲷今日厨司提供嘅和食系汁煮五花腩，煮得好入味，又不肥腻。tempura系沙鱼、舞茸菇、蕃薯、秋葵、冬菇。炸得情爽唔油腻， 加埋绿茶盐 一齐食，正。寿司系伊佐木、北海道海胆同超拖罗。 选嘅材料系好高级，拖啰亦都系俾好靓嘅部位你。之后仲有蒸蛋茶碗、 味噌汤同
餐厅位于铜锣湾充满食肆嘅登龙街，系楼上舖，入到去令人眼前一亮，餐厅宽敞温馨，充满日本风情，我俩拣咗Omakase 同昼食 ～ 和牛海胆饭试吓。
Omakase（＄680）好丰富，包括前菜三款，刺身五款，和食， tempura ，寿司三款， 仲有汤、甜品㖭。
讲明系厨师发板，梗系由厨师决定食乜嘢喇。今日厨师安排咗嘅前菜系胡麻秋葵、蟹肉水云、蟹肉汤冻水晶球。 三款前菜都好精致，最特别嘅系蟹肉汤冻水晶球，QQ的，仲加咗黑鱼子同金箔，好名贵呀！
刺身系左口鱼薄切、粒贝、牡丹虾、秋刀鱼同金目鲷。
呢度嘅刺身新鲜不在话下，最特别嘅系佢每样刺身都加有调味，除咗可以享受到海鲜嘅鲜味之外，加咗不同调味嘅刺身更加将海鲜提味，令刺身味道更有层次。
左口鱼薄切
牡丹虾
秋刀鱼
金目鲷
今日厨司提供嘅和食系汁煮五花腩，煮得好入味，又不肥腻。
tempura系沙鱼、舞茸菇、蕃薯、秋葵、冬菇。炸得情爽唔油腻， 加埋绿茶盐 一齐食，正。
寿司系伊佐木、北海道海胆同超拖罗。 选嘅材料系好高级，拖啰亦都系俾好靓嘅部位你。
之后仲有蒸蛋茶碗、 味噌汤同 南瓜红豆甜品作结尾，完美的一餐。
个午市套餐除咗主食外，仲包括前菜、沙律同甜品。我哋拣嘅系和牛海胆饭（＄250），和牛做得好嫩滑，海胆一啲都唔腥，非常新鲜，配上牛肉烧汁加香软米饭，食到见底。
呢一餐食得非常满足，系近期我食得最开心，觉得CP值最高嘅一餐。
张贴
