花丸 (已結業)

超好玩日式自制料理，章鱼烧大阪烧日式炒面同烧肉一应俱全，今次就玩咗其中几款😛必玩一定系章鱼烧，毕竟冇乜人会为咗玩呢个而专登买部机返嚟😂 呢度好贴心咁将所有材料帮你分门别类好，好细心咁教你点整，整完出嚟个成品有板有眼，连地狱厨神嘅自信心都即刻返晒黎😂 章鱼烧有八种口味，我拣咗招牌花丸烧，除咗八爪鱼粒之外仲有麻糬，食起上嚟更加烟韧✨另一款好玩之选日式炒面，能够满足兜下兜下嘅快感又唔会好似大阪烧咁复杂😂 佢仲有五款可选，拣咗安格斯牛柳条，啲牛都几靓，同埋制作过程中落酱份量都系自己决定，可以落劲多酱同紫菜碎，最开心系蛋黄酱都可以任你吱😏小食方面点咗碟鹿儿岛产黑毛和牛牛柳粒，初时见佢明明系和牛但卖四十几蚊应该好细粒，但个份量有几OK，肉质靓就唔洗讲，最重点系佢个自家制烧肉酱油系超好味，就连柚子控嘅我都觉得呢个酱油好食过隔离个柚子酱好多😍 最后仲叫多个豚平烧，啲料似日式炒面但走面，重点系上面个蛋，影完相店员会响中间切一刀，然后入面啲单张好似瀑布咁流出嚟好正啰😍又有得玩之余价钱又唔贵，食到饱咁样都系三百零蚊，又坐得舒服，好过去连锁果啲排餐死😌