一喜食堂 (已結業)

当日大概系夜晚7:15到，佢系要人齐先可以俾入。到时我哋唔知就行咗入去俾佢叫返出去，仲讲话排队要喺栏杆隔离，我个人觉得女店员嘅态度一般入到去之后有个篮系俾我哋放袋，之后佢就好似机关枪咁介绍当日特别嘅嘢食，讲得好快。之后等左有一段时间，留意到𠮶度嘅环境几日式，仲有得见到一啲日式玩具。环境其实OK，仲有佢免费嘅水有啲咖啡味我拣咗食第一个和牛拉面。送到过嚟之后佢又好快咁讲：啲牛肉唔好浸落汤入边。 然之后我食落真系非常好食暂时系我觉得成个香港最好食嘅拉面就系呢间我系第一次饮埋啲汤！虽然拉面嘅份量少，但系食完出去食个甜品都唔错。比较大食嘅人可以加啲小食，但系我冇加到 希望佢可以改善一下服务态度，虽然唔系话不能接受，但𠮶种机械式态度令我觉得有啲无奈不过佢好食就认真嘅！我会再返去食佢的！但系佢对熟客嘅态度有讲有笑，仲会介绍佢食边个啱佢多啲，可能要同佢哋熟啲不过真系预咗坐低要等一段时间先有得食推介推介