炊豕店 (加路連山道) (已結業)

两个人夜晚喺铜锣湾唔知食咩好，喺OpenRice见到依间餐厅，一直好想试，次次都好多人排队所以冇食到，今次我哋早咗，就决定试一试。去到好彩唔系好多人，即刻有得入去！虽然只系做炸猪扒，但系款式都真系唔少，估唔到炸猪扒都可以咁多玩法。大阪烧猪扒，块猪扒整到好似大阪烧咁，食落去真系以为自己食紧大阪烧，块猪扒真系好厚！估唔到炸猪扒同大阪烧嘅做法可以咁夹，真系好好食，真系要试吓。秘制猪扒配胡椒猪骨汤米线，首先讲吓个汤真系几浓嘅胡椒味，饮落去你都会饮到猪骨嘅香味，同米线都几夹。咁因为个汤都咁浓味，所以猪扒系就咁切咗嘅厚切炸猪扒，好处系猪扒唔会盖过个汤，汤嘅味又食到猪扒既味又食到。卤水牛展，每一块牛展都好大块，望落好深色，食落去发现真系好入味，冇想像过牛展都可以咁好食！好淋，食落去都几强嘅牛味，真系唔错。