曼谷車站

营业中

休息中

以前喺观塘返工嘅时候，好多同事都介绍过呢间泰国餐厅，不过一直冇机会试，因为都要行几远。不过今日咁啱嚟到附近，就一于嚟试吓啦。一去到，就见到个门口系好似一格泰国嘅车咁，好有特色，啱晒打卡。一坐低我哋就叫咗呢个海南鸡饭，佢嘅鸡食落好嫩好滑，而且无骨，大人小朋友都食得。同埋佢嘅油饭都好抵赞，鸡油味好重，又好食又唔会太过饱。我就认为呢个生菜包系最抵赞，因为我拣咗大辣，估唔到佢真系够晒辣。如果唔食辣嘅朋友就要小心啲叫啦，但系因为我好钟意食辣，平时食嘅生菜包通常都只系少少酸辣，估唔到佢真系好辣好开胃。朋友就话，呢杯西瓜冰唔算太甜，非常解渴。饮落好有西瓜味之余仲食多少少西瓜嘅肉，啱晒夏天消暑啊。个冬阴功明炉乌头都好值得一赞，因为佢非常大条，但系啲鱼仍然整得好嫩滑。佢仲另外俾咗一碗冬阴功汤，可以拎嚟饮之余，又可以加落个炉度，非常开胃。而且佢嘅配料都好多，佢嘅菇都非常出色，好适合送饭。呢间餐厅又平又抵食又靓，唔怪得咁多年来都咁多人介绍啦。虽然呢度嘅地方唔系好就脚，但我都一定会再嚟啊。