餃撚店

营业中

休息中

今日食左一间我觉得超高质嘅饺子店，之前喺其他区都去过其他专卖饺子嘅舖头，但系都觉得一般，但系今日经过呢间见到佢连续三个舖头都要晒，感觉规模好大，装修亦都系行复古式，几特别。我完全冇谂过会咁钟意食叫过嘅每一样嘢！首先XO酱翠玉瓜带子虾仁煎饺煎得好好，外皮脆脆，里面带子同虾都好大只，d虾更加系爽脆嘅！椰香荔芋腊肠香菇饺都系一大惊喜，creamy得黎好香腊肠香菇味，感觉就系食紧一个高级fusion脆萝卜糕！另外蒸饺我地要左韭菜猪肉饺，估唔到每一只入面都保留到有劲多汤汁！小笼包都一样，汤汁好正！最后连个清香芫荽皮蛋汤面我都觉得好出色，个汤底超好饮，我地清底埋！呢到好处就系有三间舖头黐埋一齐，灯线够光猛，上菜速度亦都超级快，感觉地方好干净，所以完全唔使担心要大排长龙先食到好味嘢！