Patisserie Mon cher (已結業)

今日经过中环，竟然比我见到mon cher嘅蛋糕店，之前听过朋友介绍，今日竟然唔系俾佢嘅食物所吸引，而系俾佢装修吸引！入到去，佢可以俾我哋外卖或者堂食，佢哋啲餐具已经系好精美好靓。身为栗子控既我，竟然比我见到呢个，栗子卷。佢唔系普通嘅栗子卷，佢系一个类似瑞士卷嘅嘢，但系佢表面上好似搽咗蜜糖咁，一边有原粒嘅栗子，好甜唔单止，仲系好大粒。咬落去佢仲有一层忌廉，真系好细滑，加上咬到最尾，佢会有好浓郁嘅咖啡香味，简直系好匹配啊！同埋唔好睇佢细细地咁嘅样，原来佢都可以切到五至六旧，大家就可以约埋一班都钟意食栗子味嘅甜品嘅朋友一齐去啦！