四姐川菜

营业中

休息中

铜锣湾一间隐世川菜食店👉🏻名为四姐川菜。坐落之后，睇吓餐牌，样样都想试，但系我哋得两个人，所以唔可以试太多，我只系拣咗两个凉菜，两个热菜。凉菜我哋叫咗四川凉面和蒜泥白肉，因为见到餐牌上都有👍🏻标志，应该都系店员推介，所以我哋尽管试吓四川凉面个卖相虽然普通，但系面条清新爽口弹牙，配上特制的酱汁和丰富的配料，辣酱真系好惹味，麻麻辣辣，十分开胃。蒜泥白肉，个人食猪肉片最怕有猪味，但系尼个蒜泥白肉绝对冇尼种猪味，薄薄嘅肉片肥瘦均匀，加埋辣辣嘅蒜泥酱汁，一个字正👍🏻至于热菜我哋就拣咗水煮鱼同埋川式椒盐虾要食最正宗嘅水煮鱼就一定要试吓四姐嘅招牌沸腾水煮鱼，鱼肉嫩滑之余，配搭秘制嘅辣汁，大量嘅豆芽配埋嫩滑鱼肉，简直系一流享受啊！川式椒盐虾虾炸得超松脆，大量葱粒和椒盐兜匀整只虾，但系又唔会抢走虾嘅鲜味，连壳食都冇问题，超惹味。