影片
更多
2022-06-20
153 浏览
都实在唔系夸张，希鸟用上日本鹿儿岛既黑萨摩鸡既厨师发板真系劲好食！成个set 都成17道菜式，系每一道都咁好食☺️咁我就介绍下最最最好食𠮶啲（排名不分先后🤭）炙烧鸡胸配三文鱼子 - 从来无食过咁滑既鸡胸😨 炙烧到半生熟，熟既部分食到肉味浓而中间部分食到肉质既嫩滑，滑到好似食紧鱼咁☺️加埋三文鱼子既鲜甜，我会用好味到不得了黎形容☺️鸡清汤配鸡肉丸子 - 呢道系第一道上既菜，真心俾佢好似平平无奇既样呃左，个鸡汤底浓到起胶咁制，但好清一啲都唔油腻，鸡肉丸软身又系好好食，呢个头开得有啲靓🤤炭烧鸡胸肉配乌鱼子及土佐产香醋 - 呢个presentation 好靓，正如上面所讲，鸡胸肉已经好滑好嫩，加埋少少咸香同口感既乌鱼子同醋味啫喱，味道同口感上既层次都好丰富！日式最中饼配鸡肝酱 - 我知我好肤浅，但我想讲佢个最中饼系脆呢个细节位我系几欣赏，鸡肝酱做到好细滑，上面仲加左无花果干同南瓜籽，更加口感既同时仲令成个菜式食落无咁漏。慢煮鸡冠配蟹肉酱 - 第一次食鸡冠既我表示感觉好微妙，慢煮左鸡冠口感好淋，有少少似好淋花胶既口感😙，加埋鱼翅同用蟹肉做成既汤羹，成个菜式即刻升华左好多☺️炭烧鸡颈肉 - 炭烧完既鸡颈肉
成个set 都成17道菜式，系每一道都咁好食☺️咁我就介绍下最最最好食𠮶啲（排名不分先后🤭）
炙烧鸡胸配三文鱼子 - 从来无食过咁滑既鸡胸😨 炙烧到半生熟，熟既部分食到肉味浓而中间部分食到肉质既嫩滑，滑到好似食紧鱼咁☺️加埋三文鱼子既鲜甜，我会用好味到不得了黎形容☺️
鸡清汤配鸡肉丸子 - 呢道系第一道上既菜，真心俾佢好似平平无奇既样呃左，个鸡汤底浓到起胶咁制，但好清一啲都唔油腻，鸡肉丸软身又系好好食，呢个头开得有啲靓🤤
炭烧鸡胸肉配乌鱼子及土佐产香醋 - 呢个presentation 好靓，正如上面所讲，鸡胸肉已经好滑好嫩，加埋少少咸香同口感既乌鱼子同醋味啫喱，味道同口感上既层次都好丰富！
日式最中饼配鸡肝酱 - 我知我好肤浅，但我想讲佢个最中饼系脆呢个细节位我系几欣赏，鸡肝酱做到好细滑，上面仲加左无花果干同南瓜籽，更加口感既同时仲令成个菜式食落无咁漏。
慢煮鸡冠配蟹肉酱 - 第一次食鸡冠既我表示感觉好微妙，慢煮左鸡冠口感好淋，有少少似好淋花胶既口感😙，加埋鱼翅同用蟹肉做成既汤羹，成个菜式即刻升华左好多☺️
炭烧鸡颈肉 - 炭烧完既鸡颈肉比其他鸡肉部分会相对油腻，但师傅好巧妙地加入左好少量既黄芥末酱，味道好夹得黎又解左啲油腻，配搭上真系花尽心思☺️
炭烧免治鸡肉软骨串配蛋黄 - 我觉得佢呢串既做得几出色，酱汁份量岩岩好，出面有啲免治鸡肉软骨串会劲咸，但呢个烧得岩岩好而且汁唔会太多，点埋蛋黄好正
炭烧无骨鸡翼 - 无骨已经系皇道😍仲要keep啲好juicy，一咬落去爆晒啲鸡汁出黎☺️
炭烧茄子配秘制肉味噌 + 炭烧时令蔬菜配巴马臣芝士 - 唔好以为唔系鸡肉既菜式就会系普通，前者烧到好juicy加埋咸咸地既制肉味噌，令清清地既茄子都变得惹味；后者又系另一种风味，当日系炭烧翠玉瓜，加埋巴马臣芝士（师傅仲要劲好见我地啲芝士好少，之后加多左劲多俾我☺️），热辣辣既瓜令芝士熔化，又系好好食🤤
招牌鸡汤拉面 - 浓鸡汤包围住拉面，仲有鸡丝，食完饮埋个汤够晒满足
甜品都好够特别，系wasabi 味雪糕配酱汁糖浆，虽然辣味嘅后劲好强劲，但亦都无盖过奶香，配埋酱油糖浆都几特别；自家制布甸都好滑，不过我建议食咗布甸再食雪糕，味道会更突出😗
总括来讲成个Menu其实真系无咩可以挑剔，串烧嘅火候都控制得非常之好，炭香味十足，而且好多细节位都食得出师傅嘅心思，暂时来讲都系今年内食得最好食嘅串烧☺️非常推介！
张贴
