浜松水產 (已結業)

呢日黎到呢间浜松水产食生日饭!真系好开心~ 朋友事前book定位, 拣左呢间系正大家中间点既日本餐厅, 旺角够哂方便, 呢间浜松水产系地库, 系地面行既时候要望清楚如果唔系好易走漏眼, 系地面落条楼梯就到左啦~ 佢既位置都几阔落, 而店内既灯光都系比较暗,好适合一班朋友饮酒倾心事! 我地叫左个竹既刺身拼盘, 佢其实系日本拖罗盛盒, 呢个刺身拼盘有大拖罗, 中拖罗, 油甘鱼, 海胆, 三文鱼,北寄贝, 仲要装饰得好靓! 真系好好食! D刺身好鲜味, 同放题个D 比简直就系两个唔同既级数, 呢度既用料新鲜好多, 又厚切好多! 我地都叫左只时令生蚝黎食下~ $88, 成只碟咁大只, 好鲜味,又唔会好腥,好易入口! 都好想再encore 多几只~ 不过又想食下其他野~ 我地都各自叫左杯sapporo, 仲叫左池鱼仔同炸鸡送黎食! 真系好满足! 炸池鱼仔同埋炸鸡同啤酒真系绝配! 下次一大班人黎食要试下佢地既sake!