Amber’s Table

营业中

休息中

呢到个餐前包超级高质！我冇谂过黄埔都可以食到咁好食嘅面包！外脆内软，配埋醋一流。前菜我地要左个打卡好靓嘅八爪鱼同软壳蟹沙律，超大一条八爪鱼脚，绝对抵食，就连下面做配角嘅牛油果吐司都好好味，另外个沙拉竟然用上artichoke呢d咁罕见嘅食材！烟熏牛排好精致，尤其个牛油好入味，5成熟刚刚好！墨汁海鲜risotto 比我想象中更大跌，risotto个口感整得刚刚好，唔会好似外面d餐厅整到林啤啤咁，不过我最钟意都系个大虾阔面配番茄罗勒汁，只大虾真心大只，面整到al dente，超好食。最后朋友竟然比左个大惊喜我，叫左个梳乎厘！我一直都好钟意食，呢间个souffle 做得超好味，因为用左义大利蛋同yoghurt做base所以特别黄同fluffy，到食完都冇跌落来，可以dinner食到一个咁大嘅souffle真心好开心！饮品我地叫左鲜榨羽衣甘蓝青苹果菠萝汁同shiraz red bridge 红酒。两杯都好推介，juice好refreshing，红酒易入口。最后一定要称赞一下呢到d员工，个个都超勤力同好有礼貌，令到成个dining experience都好开心！