媽咪雞蛋仔

营业中

休息中

今日嚟到尖沙咀码头，本身系特登带外国朋友嚟搭星小轮，跟住经过就已经闻到好香嘅鸡蛋仔味，所以一定要停低买嚟食！全部都系即叫即做难怪呢度咁多人排队。 今日要咗个比较特别嘅味道，因为朋友话未试过鸡蛋仔，所以想俾佢试啲特别啲嘅口味，于是就叫咗紫薯蕃薯鸡蛋仔。入面超多馅，粒粒得好饱满，而且外脆内软，真系劲好食！至于饮品方面，虽然而家都已经11月，但系晏昼时间都仲系好晒好热，所以最尾就决定咗要一个芒果沙冰，唔会太甜，相当解渴，一路饮一路坐天星小轮真系最正嘅组合。