悅滿軒

今日约咗朋友去饶宗颐文化馆到参观，喺美孚站出大约行10分钟就到，唔算系好远，系市区难得揾到比较清幽嘅地方❤️我觉得佢个装修唔错，都系啲Modern嘅装修风格。而且环境阔落，同隔篱枱嘅距离唔算好近，就算倾偈都唔怕俾人听到😆😆我地叫咗蟹肉意大利饭配乌鱼子 ，美味浓郁。 意大利饭嘅口感烟烟韧韧，唔会煮到过熟，加埋佢嘅汤一齐煮。啲饭索晒汤嘅味道。非常鲜甜好味❤️蟹肉嘅份量都算多，配埋乌鱼子咸咸地嘅味道，反而更突出蟹肉嘅鲜味😋😋。成个饭真系超级好味。再黎就系意大利饭配澳洲鲍鱼 海鲜汤。卖相非常精致吸引😍。味道同口感都一流🤤🤤。意大利饭索左汤汁嘅味，有好浓嘅海鲜同鲍鱼味。鲍鱼煮到啱啱好，而且好淋。同个意大利饭好夹👍🏻👍🏻👍🏻。再试埋佢个海鲜汤。又系有超级重的海鲜味。劲快就比我地清左😆😆总括嚟讲，性价比高，呢个价钱食到高级餐厅嘅水准。而且味道超级好。值得再返嚟食👍🏻