岩盤牛扒ミディアムレア ステーキ (Greenery Plaza ) (已結業)

大埔开咗间牛扒店，钟意食肉嘅我点可以错过，今次终于约埋朋友一齐试试。Menu 好简单，有肉眼，牛柳，西冷三款牛肉，需要拣款式同重量，店员会即时切岀一块肉，而价钱就以实际重量计算。超肚饿嘅我点咗500g 西冷嘅set，牛扒配蒜油，set跟沙律，白饭同乌龙茶。牛扒超巨！上面铺上蒜蓉同蒜片，有粟米粒做配菜。切开牛扒，𥚃面系粉红色，食落好香嫩同juicy，如果唔喜欢食太生，可以喺铁板上热多一阵先食。牛扒配埋白饭一齐食，感觉好幸福要改善嘅地方系餐厅冷气唔够，因为系半开放式，而且近排天气好热，食住热辣辣嘅牛扒，实在令人升温。