蛇王二 (已結業)

一年起码去两三次，喜欢蛇羹及叉烧腊肠润肠饭。不嬲我都知道他们态度差，今日实在顶唔顺。我见门口一大堆人，望望啲人，知道他们已各自报上了几多位，他们在等待中。我好声好气问门口带位𠮶个人，有冇一位，佢态度超差望一望你，不置可否，又即刻闹门口等位的人点解唔排埋一边。所有人乖乖地排埋一边，忽然喺另一边见一个人行入去，同一个带位麻甩佬又俾佢坐低。上前问佢哋点解咁唔公度，佢仲恶过你。大大声带你话「好吖，依家入嚟吖」哗，比成旧水，咁迫夹食个蛇羹餐啫，做乜好似系监仓被人呼喝！即刻掉头走，话明冇下次。其实里面的座位又窄又污糟，多谢佢今次咁嘅态度，唤醒了我！除了即刻掉头走人，以后都唔帮衬。港岛区仲有唔少高质素的食蛇地方，何必系咁屈质的地方受气。