小草屋潮家菜 (已結業)

今日父亲节, 上Open Rice见到呢间食评唔错, 见近近地就一家五口去试一试。一开始洗碗筷时发现有两只碗碗边花到有啲界手, 同有只匙羹唔干净(有啲粥既米桨桨住), 叫个服务员攞走换过, 点知佢一分钟后放低番要换𠮶套比我, 以为我唔知, 我再洗匙羹时又发现有米桨桨住, 我再叫佢换多次, 重讲到明个碗边有啲界手, 佢又收走, 可惜转个又系放低番同一套餐具, 我放弃再佢换, 只好叫家人食既时候小心啲!可能节日较忙, 上菜都比较慢, 呢样都唔紧要, 个问题系传菜个阿姐, 当佢送最后一道菜嚟既时候张枱已经无位, 而当时已经有两碟系食完, 又见到佢个传菜盘无嘢喺上面, 咁我就将一只碟递比佢, 同时叫佢收埋放响我Daddy面前个大汤碗同另一只碟, 点知佢话执嘢唔系佢负责, 然后就将我比佢只碟放响我Daddy面前既汤碗上面! 有无搅错! 唔收嘢都算, 无理由阻住我Daddy食嘢! 跟住我见隔离枱走咗, 我咪将啲唔要既大碟同汤碗放过去, 点知个服务员执嘢既时候睇都唔睇, 一转身就将个碟里面既菜汁沐咗落我个妹只脚到, 好彩系著凉鞋, 否则就难以想像!!