TAP The Ale Project (已結業)

今日成33度，一行八人， 有细有大， 去完附近朋友嘅舖头开张，就谂住去Tap坐低饮杯啤酒，点之激气到震😠见到佢有人走，谂住啱喇有大枱，我哋喺门口等。。 女店员 (短头发戴眼镜) 隔咗一阵出嚟同我哋度体温， 出面气温真系好热，个个大汗叠细汗，我哋有三个人过咗37.5度 ( 2个37.7，其中有个系抱住个小朋友，小朋友瞓咗觉) 。 店员话要再探过，我哋梗系冇问题，畀佢再探过，有两个就变返正常温度 (包括 抱著小朋友𠮶个) ， 跟住店员一粒声都冇就入返去，我哋 全部人企喺出面以为等入座， 企咗喺出面都好耐(热死人！😩) ，个店员行出嚟冇任何指示！我哋咪话点解有枱，我哋正常温度𠮶啲唔可以入去先呢😠！？！？ 佢话温度未正常𠮶个要再探㗎㖞， 我哋全部人冇得入去㖞 ！我哋问其他正常温度嘅，有老有嫩，点解唔可以入去先呢🤔？未过温测嘅朋友话自己可以完全唔入去！ 但该店员态度仍然十分恶劣！完全冇谂住点样帮我哋安排入座，更加冇体谅抱住小朋友𠮶位，佢完全都唔想畀我哋入去结果我哋顶唔顺啦， 无止境咁企喺门口， 又热又焗又戴住口罩， 所以就走咗。咁嘅服务态度真系好唔掂！ 可能佢恃住大把生意啦🤷‍♀️🤦‍♀️