影片
更多
2024-01-27
1072 浏览
今晚同朋友黎呢间店小二度食饭，食到一肚气，极差既体验，详情如下：1. 座位安排：坐得极度唔舒服，一张长枱做两枱客，坐11个人，每个人既位置系窄到食饭举起手踭都会撞到既程度。同背后𠮶枱既距离直情系背脊贴背脊。然而同陌生人身贴身既同时，自己张枱系成米阔，加上成个餐厅环境系好嘈，同坐对面既朋友系完全倾唔到计，连讲嘢都好辛苦，想揾地方同朋友食饭倾计既朋友三思。2. 人手安排：其实间餐厅唔算好多枱客，但唔知系人手唔够定嘈吵得济既原因，我地无论系嗌落单，催单(催左一次)定埋单都系嗌左好多次都冇人应，就算应左都冇人黎既状况，嗌到忟。3. 食物安排：我地基本上等左30分钟先开始黎第一个菜，前后左右早过我地迟过我地既都已经食紧。我地嗌左total 5个𩠌但有2个𩠌系严重漏单。请店员跟单但佢系check都冇check就话 催左啦(心灵催单术？)。最后我地个姜葱蚝煲系交枱前10分钟先上(餐厅要求8点交枱但7点50分先上)，一个蚝煲落左单超过一个钟先出到系咪系个海度捉紧啲蚝？一个热辣辣既蚝煲要人10分钟内食完(其他饭𩠌又已经食晒)又合唔合理呢？另外仲有个菜系直接漏单cancel埋。其实眼见餐厅total 10
1. 座位安排：坐得极度唔舒服，一张长枱做两枱客，坐11个人，每个人既位置系窄到食饭举起手踭都会撞到既程度。同背后𠮶枱既距离直情系背脊贴背脊。然而同陌生人身贴身既同时，自己张枱系成米阔，加上成个餐厅环境系好嘈，同坐对面既朋友系完全倾唔到计，连讲嘢都好辛苦，想揾地方同朋友食饭倾计既朋友三思。
2. 人手安排：其实间餐厅唔算好多枱客，但唔知系人手唔够定嘈吵得济既原因，我地无论系嗌落单，催单(催左一次)定埋单都系嗌左好多次都冇人应，就算应左都冇人黎既状况，嗌到忟。
3. 食物安排：我地基本上等左30分钟先开始黎第一个菜，前后左右早过我地迟过我地既都已经食紧。我地嗌左total 5个𩠌但有2个𩠌系严重漏单。请店员跟单但佢系check都冇check就话 催左啦(心灵催单术？)。最后我地个姜葱蚝煲系交枱前10分钟先上(餐厅要求8点交枱但7点50分先上)，一个蚝煲落左单超过一个钟先出到系咪系个海度捉紧啲蚝？一个热辣辣既蚝煲要人10分钟内食完(其他饭𩠌又已经食晒)又合唔合理呢？另外仲有个菜系直接漏单cancel埋。其实眼见餐厅total 10-15枱客以内，要manage好啲单禁难咩？
4. 食物：食物味道好average但系性价比就颇低，黑椒薯仔牛柳粒薯仔仲多过牛，姜葱蚝煲5粒蚝要价$288，旧蚝仲要系’un’既。
5. 时间安排：我哋book位既时候餐厅已经同我地讲8点要交枱，去到就听到餐厅话系因为8点有party book左场，禁做第二轮我哋明同理解，但问题系你要求个客限时系咪应该啲𩠌出得timely啲同应客应得快d，基本上我地净系系度揾侍应同等𩠌出系浪费哂劲多时间。
总括紧讲真系一个超差既体验。坐得唔舒服，叫侍应系10世都叫唔到，野食上得慢又漏单，味道唔系特别好食性价比又低。冇下次。
张贴
