影片
更多
2010-04-08
22 浏览
今日抱住超开心去庆祝生日食饭，点之换来一肚火。本人超钟意食龙虾，于是去咗富临一试，殊不知一试就出事。我同屋企人大约七点左右去到，睇完一轮就揾咗个侍应落单︰青瓜海哲---o.k.肉松烧豆腐---好食豉汁蒸元贝(6只)---一半够味，一半无味生猛龙虾$15/两(重头戏)---我:「大约两斤」侍:「叫你食一份份果d」我:「一份得一斤四两唔够食@288」，跟住见到个侍应再去同经理讲，之后折返，侍:「叫你食一份份果d」当堂有火，我:「佢究竟系咪唔想做，我最多比茶钱同花生钱就走」侍:「你等等先」等一阵之后，侍:「我揾咗第二个帮你哋」再过一阵有一个高级部长捉咗一只南非龙虾过来，我:「我哋系要生猛龙虾果只」，转过头高级部长再过来:「唔好意思，果种每只大约一斤重到」我:「咁要两只大约两斤重用上汤」，高级部长捉咗两只过来:「两只总重一斤十三两」我:「唔该」。传菜员上主角(当然揾侍应帮手)，我哋一见到就话:「我哋无要伊面㖞!」同我哋落单个侍应帮我哋去厨房跟进，主角再次出场，今次仲吓人，睇晒成碟只见一个头同尾，我当然揾经理，我:「我哋叫两只合共一斤十三两㖞，点解得一个头同尾」经理:「等等」，咁佢帮我拎返去厨房
青瓜海哲---o.k.
肉松烧豆腐---好食
豉汁蒸元贝(6只)---一半够味，一半无味
生猛龙虾$15/两(重头戏)---我:「大约两斤」侍:「叫你食一份份果d」我:「一份得一斤四两唔够食@288」，跟住见到个侍应再去同经理讲，之后折返，侍:「叫你食一份份果d」当堂有火，我:「佢究竟系咪唔想做，我最多比茶钱同花生钱就走」侍:「你等等先」等一阵之后，侍:「我揾咗第二个帮你哋」再过一阵有一个高级部长捉咗一只南非龙虾过来，我:「我哋系要生猛龙虾果只」，转过头高级部长再过来:「唔好意思，果种每只大约一斤重到」我:「咁要两只大约两斤重用上汤」，高级部长捉咗两只过来:「两只总重一斤十三两」我:「唔该」。传菜员上主角(当然揾侍应帮手)，我哋一见到就话:「我哋无要伊面㖞!」同我哋落单个侍应帮我哋去厨房跟进，主角再次出场，今次仲吓人，睇晒成碟只见一个头同尾，我当然揾经理，我:「我哋叫两只合共一斤十三两㖞，点解得一个头同尾」经理:「等等」，咁佢帮我拎返去厨房，又再次出场，一睇之不过比先头多噃个头同尾，我费事嘥时间只好食咗快d走人无下次，临埋单个高级部长走过来:「只龙虾都得嘛?」我:「唔系嘛，一斤十三两就得咁多，我喺第二间茶楼食斤半都有你呢度咁多，唔好呃咁多先得o架」个经理当然无嘢讲，只系喺度笑(因为我比咗张想佢睇)，我:「返去一定上网写食评弹你哋」高级部长:「唔好咁啦，比次机会我哋」之后佢同侍应讲:「等阵送多两踠糖水比佢哋」到埋单时我哋都无要糖水，因为有d火顶住咗
注:其实碟龙虾除咗少咗头同尾之外，仲无咗好多脚，又唔多够味，只尾仲好似白蛤咁。但值得一赞系个侍应「陈x华」而个高级部长都可接受，但果两个经理就超唔得
张贴
