石磨坊 (已結業)

叫左两款甜品，一款系鲜果红豆爽珠，另一款系芋容刨冰。首先鲜果红豆爽珠来到面前，感觉超揾笨，罐头生果扮新果，唯一新鲜系几粒一毫子大细的士多啤梨，罐头桃一大堆。问个服务员佢就话系新鲜，未当我傻罐头桃都分唔出。之后来个芋容刨冰，同我系另一间石磨坊食好唔同；一句讲晒芋容无芋容味，凉粉得5大粒，冰就一大堆。如果我要食冰，去7仔饮思乐冰未仲好。唔怪得整间铺无人，对面其他糖水铺就人山人海。