餃里 (悅湖商場) (裝修中)

呢间野新开嘅冇几耐，见佢装修得唔错都谂住试吓。见到啲价钱都唔算平，但有啲款又几有特色咁，都系都系试一试啦。心大心细谂咗好耐，都系稳稳阵阵叫返椰菜饺算。等咗两个字，佢俾咗汤饺我，佢应该落错咗。但都唔紧要啦，因为都费事再等两个字。呢度差唔多$40得𠮶六只，打开𠮶阵闻到啲汤好似唔错咁，但一食落口食完一只就有少少后悔啦，啲馅唔多菜多个肉，啲皮又厚。最后饮咗两啖汤又好似味精汤咁饮完要系咁饮水，真系试过一次冇下次。