餃里 (悅湖商場) (已結業)

今日屋企冇煮飯，我要岀動去買外賣比屋企人吃，諗到頭爆食咩好呢，又唔想食飯，諗起附近有間餃子好未試過，過去睇下先。睇下個餐牌，原來除左有餃子，仲有撈麵，連生餃子都有。餃里撈麵，粗麵有咬勁，仲有我最愛嘅辣菜莆，正！咖喱鮮肉餃，煎到金黃色，表面又唔會乾身，咖哩餡好惹味。韭菜鮮肉餃，餃子皮夠薄，透到裡面餡料，做到皮薄餡靚，韭菜份量都好多，咬落索索聲。椰菜生餃，見到啲餃子咁吸引，忍唔住買多生餃，留番聽日食。