正宗山西刀削麵店 (已結業)

今日下午我們去咗荃灣荃興徑嘅「正宗山西刀削麵店」食下午茶！我們叫咗五香牛肉鴨腎刀削麵同手撕鷄冷刀削麵！五香牛肉鴨腎刀削麵嘅刀削麵麵質非常煙韌彈牙，軟韌度啱啱好，而且相當滑身，湯底嘅牛肉味好香甜濃郁，牛肉嘅肉質好鬆軟嫩滑，鴨腎好爽口彈牙！手撕鷄冷刀削麵嘅刀削麵麵質極之煙韌彈牙，由於係冷嘅關係，所以麵質更加Q彈，手撕鷄嘅肉質好嫩滑，而且份量相當多，但略嫌味道比較淡咗啲啲，但落咗啲陳醋落去就令到味道惹味好多！